Don't remember all the words to Auld Lang Syne?

Don't worry - they're all here along with the words and tune to a Guid New Year tae Ane an Aa.

You'll have no excuse for not joining in the singing this New Year's Eve.

Auld Lang Syne

Should auld acquaintance be forgot,
And never brought to mind?
Should auld acquaintance be forgot,
And auld lang syne?

CHORUS:
For auld lang syne, my dear,
For auld lang syne,
We'll tak a cup of kindness yet,
For auld lang syne!

And surely ye'll be your pint-stowp,
And surely I'll be mine,
And we'll tak a cup o kindness yet,
For auld lang syne!

We twa hae run about the braes,
And pou'd the gowans fine,
But we've wander'd monie a weary fit,
Sin auld lang syne.

We twa hae paidl'd in the burn
Frae morning sun till dine,
But seas between us braid hae roar'd
Sin auld lang syne.

And there's a hand my trusty fiere,
And gie's a hand o thine,
And we'll tak a right guid-willie waught,
For auld lang syne

__Words adapated from a traditional song
by Rabbie Burns (1759-96)__

 

A Guid New Year to Ane An A

A guid new year to ane an a
An mony may ye see,
An during a the years to come,
O happy may ye be.
An may ye ne'er hae cause to mourn,
To sigh or shed a tear;
To ane an a baith great an sma
A hearty guid New year.

Chorus
A guid new year to ane an a
An mony may ye see,
An during a the years to come,
O happy may ye be.

O time flies past, he winna wait,
My friend for you or me,
He works his wonders day by day,
And onward still doth flee.
O wha can tell when ilka ane,
I see sae happy here,
Will meet again and merry be
Anither guid New year.
Chorus

We twa hae baith been happy lang.
We ran about the braes.
In yon wee cot beneath the tree,
We spent our early days.
We ran about the burnie's side,
The spot will aye be dear,
An those that used to meet us there,
We'll think on mony a year.
Chorus

Noo let us hope our years may be
As guid as they hae been,
And trust we ne'er again may see,
The sorrows we hae seen.
And let us wish that ane an a
Our friends baith far an near,
May aye enjoy in times to come -
A hearty guid New year!
Chorus